ENSALADA DE OUTONO

Cada estación ten os seus productos e consumilos é o próprio , xa que faremos un uso razoable dos recursos que nos dá a Natureza , sen sobreexplotala . Lanzamos unha questión ao aire , parécevos normal o prezo destes productos estacionais ? Unhas xudías son máis baratas se as compramos conxeladas en vez de frescas , con todo o encarecimento que conleva o proceso , as sardiñas poñense polas nubes cando están en sazón , o froita da tempada ten uns prezos abusivos , pero mercar unhas robalizas de piscifactoría ou uns tomates do plástico é barato .
Non credes que é un pouco de tolos ? Gañamos algo coa globalización ? Ou perdemos sabores , pequenos productores , riqueza ...

Estaredes pensando que moito divagamos , pero é curioso que un dos productos que máis nos gostan desta tempada , a granada , estase convertindo nun artículo de luxo apto para poucos petos . Quedarános esperar a que a conxelen para poder consumila sen ser a conta gotas .

Para a receita de hoxe precisaremos rúcula , escarola , col lombarda , leituga vermella , granada , pipas , aceite de oliva virxe extra , aceto de Módena e sal .

Lavaremos e trocearemos ben todas as verduras , cortaremos a granada pola metade e axudándonos dunha culler pegarémoslle uns cachetes no cú para que solte as pébidas , pola parte da tona .

Misturamos todo nunha ensaladera : verduras , granada e pipas ( se son cruas podemos doralas na tixola sen aceite ) e aderezamos co aceite , o acetato e o sal ao noso gosto .

Sinxela e moi completa a nivel nutritivo , esperamos que vos goste .