BOLACHAS AI

Estas son as bolachas preferidas en casa , aos Poetiños lles encantan e para nos é moi doado preparalas , en 20 min están listas , non teñen levado , non hai que por a manteiga a punto de pomada , fornéanse en 10 min , a verdade é que non sabemos como vendelas mellor .

Bueno ,sí , sí que sabemos , á nosa querida Amiga Invisible Tartasacher de Mil Postres gustáronlle moito e por iso poñemos hoxe a receita eiquí , para que cada vez que a faga se lembre de nos . E aos que non coñecedes o seu blogue non deixedes de pasarvos por el , merece moito a pena , fai unhas receitas moi interesantes e ten unha amiga que fai o blogue La Cocina de Zaira que tamén é moi interesante .

Namentres buscamos os ingredentes prendemos o forno a 200º :

Precisamos entón 90 grs de manteiga , 250 grs de fariña , 90 grs de zucre moreno ,125 grs de froitas secas , canela moída , noz moscada , sal e 2 ovos .


Primeiramente nun bol misturaremos coas mans ben limpas a manteiga e a fariña , até que teñan o aspecto
de faragullas de pan logo engadimos o zucre , as froitas , neste caso ameixas secas e orellóns , seguimos remexendo coas mans , tócalle a quenda aos ovos batidos , usaremos un garfo para amasar todo , cando vexamos que os ovos están absorvidos pola masa voltamos coas mans , apretándoa para facer unha bola .

Xa está , xa a temos lista , só nos queda facer pequenas boliñas , do tamaño dun bocado e meio , 10 min ao forno a 200º e en poucos que as deixedes arrefriar teredes unha sobremesa moi rica .

Bo proveito .